Monday 22 April 2013

తప్పించుకుపోయింది తాబేలు బుర్ర


అనగనగా ఒక నక్క. ఆ నక్క ఒకరోజు నీరు తాగటానికి కొలనుకి వెళ్ళింది. నీళ్ళు తాగుతుండగా దానికి ఒడ్డునొక తాబేలు దొరికింది. ఈరోజుకు ఆకలి తీరింది అని దానిని పట్టుకుంది. నక్క పట్టుకొంగానే తాబేలు దాని డొప్ప లోపలికి ముడుచుకుపోయింది. నక్కకి దానిని ఎలా తినాలో అర్ధం కాలేదు అటుఇటు కొట్టింది లోపలనుంచి తాబేలు రాలేదు. 
అప్పుడు తాబేలు నక్కతో "నేను చాలా సేపట్నుంచి వొడ్డున వుండటం మూలంగా నా చర్మం ఎండిపోయి గట్టిగా మారింది నువ్వు నన్ను కొద్దిసేపు చెరువులో నానపెడితే మళ్ళీ మెత్తగా అవుతాను అప్పుడు హాయిగా తినొచ్చు" అని చెప్పింది 

అప్పటికే దానిని ఎలా బయటికి రాప్పించాలోఅని శతవిధాలా ప్రయత్నించిన నక్క విసుగుతో తాబేలు ఆలోచనే మంచిదని దానిని చెరువులోకి తీసుకువెళ్ళి పారిపోకుండా కాలు దాని మీద పెట్టింది. 
కొంత సేపటికి నక్క తాబేలుతో "నానావా" అని అడిగింది. 
దానికి తాబేలు "అంతా మెత్తగా నానాను కానీ నీ కాలు కింద మాత్రం ఇంకా గట్టిగా వున్నాను" అంది 
ఆలోచన లేని నక్క నిజమే కదా అని కాలు తీసింది.  
ఇంకేముంది తాబేలు నీళ్ళ లోతుకి చటుక్కున జారిపోయింది. 
నీతి:
ఉపాయం వుంటే ప్రాణాపాయ స్థితి నుంచి కూడా బయటపడొచ్చు. 

3 comments:

  1. i am in love with this blog, love the article
    Bollywood

    ReplyDelete
  2. nice story
    hi
    We started our new youtube channel : Garam chai . Please subscribe and support
    https://www.youtube.com/channel/UCBkBuxHWPeV9C-DjAslHrIg

    ReplyDelete
  3. Nice post.Thanks for sharing the post !Visit our website for more news updates TrendingAndhra

    ReplyDelete