అనగానగా ఒక అడవిలో చాలా జంతువులు, పక్షులు ఉండేవి. ఒకానొక రోజు అడవిలో చెట్ల కొమ్మలు రాసుకొని అగ్ని పుట్టింది. అది గమనించిన జంతువులు పక్షులు అన్ని దగ్గరలో వున్న చెరువు లోనికి దిగాయి. ఒక చిన్న పిట్ట మాత్రం తన చిట్టి రెక్కలతో ఎగురుతూ తన నోటితో వీలైనన్ని నీళ్ళని తీసుకొని మంటల మీద పోయసాగింది. అది చుసిన జంతువులు అన్ని నవ్వాయి. కొన్ని జంతువులు దాన్ని ఆట పట్టించడానికి " నీకేమైనా పిచ్చా!! నీ ఒక్కదాని వల్ల మంటలారవు. వచ్చి ప్రాణాలు రక్షించుకో.." అన్నాయి.
అందుకా పిట్ట " నేను ఒక్కదాన్నే కానీ, నేను పుట్టినప్పట్నించి నన్ను ఈ అడవే పెంచింది.. దాన్ని రక్షించుకోవటం నా బాధ్యత" అంటూ మంటల వైపు ఎగిరింది.
అది చుసిన మిగతా జంతువులు సిగ్గోచ్చి అవికూడా నీళ్ళు తేచ్చి పోశాయి. కొంత సేపటికి మంటలు అదుపులోకి వచ్చాయి.అడవి రక్షించబడింది.
నీతి:
1. మనకు సహాయం చేసిన వారికి సహాయం చేయటం మన బాధ్యత.
2. team work తో ఏమైనా సాధించవచ్చు.
No comments:
Post a Comment